Տեքստային աշխատանք
1․Շարունակի՛ր հետևյալ մտքերը: Այժմ աշխատի՛ր քո ձևակերպումները և իմ հարցադրումները վերածել տրամաբանական հաջորդականություն ունեցող տեքստի: Տեքստը պետք է ունենա սկիզբ, ընթացք և ավարտ: Փորձի՛ր տեքստային ձևակերպումդ հետաքրքիր և յուրահատուկ դարձնել:
- Ի՞նչ եմ հասկանում կրթություն ասելով․․Կիրթ եմ համարում այն մարդուն, որը…Ես փորձում եմ դառնալ կիրթ մարդ, որովհետև…Կիրթ մարդը չպետք է…Երբեմն ես անում եմ այն, ինչ կիրթ մարդը չպետք է անի…Որակյալ կրթությունը կօգնի ձևավորել կիրթ հասարակություն, որովհետև…Որակյալ կրթությունը…Ուզում եմ ստանալ այնպիսի կրթություն, որ…Ի՞նչ եմ հասկանում ինքնակրթություն ասելով…Ինքնակրթությունը կարևոր է, որովհետևԿրթությունը պետք է լինի շարունակական, որովհետև…Կրթությունը չի կարող սահմանափակվել դասով, որովհետև…Սովորում եմ սովորել…Մեդիան օգնում է ինձ սովորել…Ես սովորում եմ, որ…Վստահ եղե՛ք, ես շատ բան կփոխեմ…
Կրթություն ասելով ես նախ և առաջ մտածում եմ իմ ապագայի մասին։ Ապագայի լավ լինելը, մտածում եմ, կախված է իմ կրթությունից։ Կրթությունը օգնում է նաև գտնել քո նախասիրությունները, իսկ նախասիրություններ ունենալով կարողանում եմ գտնել իմ ապագա մասնագիտությունը։ Կիրթ մարդ ասելով չեմ հասկանում գրագետ մարդու, իմ կարծիքով կիրթ մարդը միշտ սովորղ մարդն է, որը միշտ սիրում է նոր բաներ բացահայտել և իմանալ։ Միշտ փորձել եմ դառնալ կիրթ մարդ, որովհետև միշտ մտածել եմ և հաստատ գիտեմ, որ կիրթ մարդիկ միշտ հասնում են իրենց նպատակին և շատ հաջողակ են։ Իմ կարծիքով կիրթ մարդիկ միշտ պետք է հավատան իրենց ուժերին և չհանձնվել։ Երբեմն, ես նույնպես անում եմ այնպիսի բաներ, որոնք չպետք է անի կիրթ մարդը։ Երբ ինձ անհաջողություն է հետևում, մտածում եմ, որ էլ պետք չէ պայքարել, սակայն միշտ նայելով մի քանիսի օրինակներին, սկսում եմ հավատալ իմ ուժերին։ Որակյալ կրթությունը կօգնի ձևավորել կիրթ հասարակություն, որովհետև առանց կրթության մարդուն հաստատ լավ ապագա չի սպասի։ Որակյալ կրթությունը ոչ միայն օգնում է մի մարդու, այլ նրա ամբողջ ընտանիքի անդամների։ Եթե նա լավ կրթություն ունենա, կկարողանա լավ մասնագիտություն ունենալ և կկարողանա լավ պահել իր ընտանիքին։ Ուզում եմ ստանալ կրթություն, որ բացի իմ լավ ապագայից, իմ ընտանիքին էլ կարողանամ լավ պահել, քանի որ նրանք ինձ օգնել են լավ կրթություն ստանալ և ես գիտեմ, որ իմ ընտանիքը հաստատ շատ ուրախ կլինի իմ համար, երբ իմանա, որ ես լավ մասնագիտություն ունեմ իմ կրթություն ստանալու շնորհիվ։ Առաջին հերթին ես սովորում եմ իմ և իմ ընտանիքի երջանկության համար։ Ինքնակրթություն ասելով ես հասկանում եմ, որ բացի դպրոցական և այլ ուսումնական հաստատուցյուններից ստացած կրթությունից, մարդը ուզում ավելին իմանալ։ Միշտ ինկնակիրթ մարդով ես մտածում եմ հետաքրքրասեր և միշտ սովորող մարդու։ Կրթությունը պետք է լինի շարունակական, որովհետև միշտ կրթությունը նույն ձև չի մնում։ Մարդիկ ավելի են զարգանում և նոր բաներ են հայտնաբերում, որը միգուցե ապագայում կարող է և պետք լինի։Այդ պատճառով չպետք է կրթությունը բաց թողել, քանի որ կրթությունը միշտ մեզ հետևելու է ամեն տեղ։ Կրթությունը չի կարող սահմանափակվել դասով, որովհետև մի դասով դու չես կարող ինչ-որ բան ընկալել։ Մի դասով կարող է միայն հետաքրքրություն առաջանալ, բայց ուրիշ բան չեմ մտածում, որ կարող է բան ստանալ։ Եթե մարդը մի անգամով սահմանափակվում է, նշանակում է նրան ուղղակի հետաքրքիր չի դա, այլ ոչ թե նա անգրագետ է կամ նման մի բան։Սովորում եմ սովորել, քանի որ կարևոր է լինել մշտապես սովորող, դա շատ կարևոր հատկանիշ է։ Սիրում եմ միշտ սովորել, քանի որ երբեք ուշ չէ նոր նախասիրություններ գտնել։ Ես դեռ իմ նախասիրությունը չեմ ընտրել, այդ պատճառով սիրում եմ նոր բաներ սովորել։ Մեդիան օգնում է ինձ սովորել ավելի լիովին։ Մեդիայի շնորհիվ կարողանում եմ ավելի շատ տեղեկություն գտնել տարբեր բաների մասին, կարողանում եմ տարբեր նախասիրություներ գտնել, և գտնել այնպիսի բաներ, որոնք մեզ սովորական կրթության շնորհիվ չեն սովորացնում։ Բայց մեդիան նաև կարողանում է մեզ հեշտությամբ շեղել, օրինակ հենց խաղերը շատ են շեղում մեզ։ Իմ կարծիքով, եթե դու ինչ-որ աշխատանք ես անում, դու պետք է չշեղվես քո աշխատանքից, ավարտես այն և հետո անես այն, ինչ ուզում ես։ Վստահ եղե՛ք, ես շատ բան կփոխեմ, կկարողանամ իմ վրա լավ աշխատել և ունենալ լավ մասնագիտություն, քանի որ նաև մասնագիտությունից է կախված իմ և իմ շրջապատի երջանկությունը։2. Տեքստիդ համար դիպուկ և գրավիչ վերնագի՛ր ընտրիր:Սովորում եմ կրթվեմ3. Կարդում ենք Բորխեսի «Պարացելսի վարդը»։Քննարկման թեման.
- ուսուցիչ՝ ինչ հատկանիշներ է ունենումաշակերտ՝ ինչ հատկանիշներ պիտի ունենաաշակերտելու եկած մարդու վերաբերմունքը ուսուցչին. պաշտպանեք կամ պախարակեք աշակերտի վարքը, բացատրեք ուսուցչի վարքը։